గోదావరిఖని, వెలుగు: లోక్‌‌‌‌‌‌‌‌సభ ఎన్నికల్లో పెద్దపల్లి కాంగ్రెస్‌ టికెట్‌ గడ్డం వంశీకృష్ణకే కేటాయించాలని ఆ పార్టీ నేత పి.మల్లికార్జున్ ఓ ప్రకటనలో హైకమాండ్‌‌‌‌‌‌‌‌ను కోరారు. పెద్దపల్లి పార్లమెంట్ నియోజకవర్గ అభివృద్ధికి దివంగత నేత కాకా వెంకటస్వామి, ఆ తర్వాత ఆయన కొడుకు వివేక్ఎంతో కృషి చేశారన్నారు. నియోజకవర్గాన్ని మరింత అభివృద్ధి చేసేందుకు యువనేత గడ్డం వంశీకృష్ణకు టికెట్‌ ఇవ్వాలన్నారు.
కేంద్రమంత్రిగా కాకా సింగరేణి కార్మికులకు పెన్షన్ విధానాన్ని తీసుకొచ్చారన్నారు. వివేక్ ఎంపీగా ఉన్నప్పుడు మూసివేసిన రామగుండం ఎరువుల ఫ్యాక్టరీని అప్పటి పీఎం మన్మోహన్ సింగ్ను ఒప్పించి రూ.10 వేల కోట్ల అప్పును మాఫీ చేయించి బీఐఎఫ్ఆర్ నుంచి బయటపడేశారని గుర్తుచేశారు. పార్లమెంట్ పరిధిలో రైల్వే ఫ్లైఓవర్ బ్రిడ్జిల నిర్మాణం, రోడ్ల విస్తరణకు కాకాతో పాటు వివేక్ ఎనలేని కృషి చేశారని పేర్కొన్నారు. విశాక చారిటబుల్ ట్రస్ట్ ద్వారా చాలా గ్రామాల్లో బోర్వెల్స్‌ ఏర్పాటు చేసి నీటి ఎద్దడి తీర్చారన్నారు.
