- ప్రముఖులు, క్రీడాకారులు, సినీ తారలతో సందడి
ట్యాంక్ బండ్, వెలుగు: రొమ్ము క్యాన్సర్పై అవగాహన కోసం నెక్లెస్రోడ్లో ఆదివారం నిర్వహించిన పింక్ పవర్ రన్ 3.0 కు జోష్ఫుల్గా సాగింది. హెచ్ఎండీఏ గ్రౌండ్స్ నుంచి ప్రారంభమైన ఈ మెగా కమ్యూనిటీ రన్లో దాదాపు 35 వేల మందికి పైగా పాల్గొన్నారు. వివిధ విభాగాల్లో ఎంఈఐఎల్, సుధా రెడ్డి ఫౌండేషన్ సంయుక్తంగా నిర్వహించిన ఈ రన్ను మంత్రి సీతక్క, డీజీపీ ఆనంద్, ఎంఈఐఎల్ గ్రూప్ ఎండీ పీవీ కృష్ణారెడ్డి, ఫౌండేషన్ వ్యవస్థాపకురాలు సుధా రెడ్డి, హైదరాబాద్లోని అమెరికా కాన్సులేట్ జనరల్లారా విలియమ్స్, ఓలెక్ట్రా గ్రీన్టెక్(ఈవీ ట్రాన్స్) ఉపాధ్యక్షుడు వీవీ లక్ష్మీనారాయణ ప్రారంభించారు. హాఫ్ మారథాన్,10 కి.మీ, 5 కి.మీ, 3 కి.మీ విభాగాల్లో పరుగు నిర్వహించగా, చిన్నారులు, యువతీ యువకులు, వృద్ధులు, విదేశీయులు ఉత్సాహంగా పాల్గొన్నారు. విజేతలకు రూ.75 లక్షల విలువైన నగదు బహుమతులు, మెడల్స్అందజేశారు.
రన్లో రమాబాయి రణ్వీర్!
రన్లో మహారాష్ట్రకు చెందిన రమాబాయి రణ్వీర్ ప్రత్యేక ఆకర్షణగా నిలిచారు. బీడ్ జిల్లా అంబాజోగైకి చెందిన 47 ఏళ్ల రమాబాయి.. తన పిల్లల చదువుల కోసం గతంలో చెప్పులు లేకుండా 5 కిలోమీటర్లు పరుగెత్తి వార్తల్లో నిలిచారు. ఆమె పింక్ పవర్ రన్లో పాల్గొనడం ద్వారా మహిళల పట్టుదల, ఆరోగ్యంపై అవగాహన, సామాజిక బాధ్యతకు ప్రతీకగా నిలిచింది.
