ప్రధాని నరేంద్రమోడీ సోమవారం ఢిల్లీలో రోడ్ షో నిర్వహించనున్నారు. మోడీ ర్యాలీ దృష్ట్యా పోలీసులు ట్రాఫిక్ ఆంక్షలు విధించారు. పలు రహదారులను మూసివేయనున్నారు. సోమవారం మధ్యాహ్నం 2.30ల నుంచి సాయంత్రం 5 గంటల వరకు మోడీ రోడ్ షో జరగనుంది. సంసద్ మార్గ్లో పటేల్ చౌక్ నుండి సంసద్ మార్గ్ జై సింగ్ రోడ్డు వరకు ర్యాలీ నిర్వహించనున్నారు. ఈ కార్యక్రమానికి భారీ సంఖ్యలో ప్రజలు హాజరయ్యే అవకాశముంది. ఈ క్రమంలో రోడ్ షో జరగనున్న ప్రాంతాల్లో వాహనాల రాకపోకలను నిలిపేస్తున్నట్లు పోలీసులు వెల్లడించారు. రోడ్ షోలో భాగంగా వివిధ రాష్ట్రాలకు చెందిన కళాకారులు సాంస్కృతిక ప్రదర్శనలు ఇవ్వనున్నారు. మోడీకి స్వాగతం పలికేందుకు భారీ కటౌట్లు ఏర్పాటు చేశారు.
