నర్సింహులపేట, వెలుగు : నర్సింహులపేట మండల కేంద్రంలో గొర్రెల దొంగలను పోలీసులు అరెస్టు చేశారు. మండలంలోని పకిరా తండాకు చెందిన భూక్య హరికృష్ణ, గువులోత్ రమేశ్, గుగులోతు సుమన్, గుగులోతు కల్యాణ్ జల్సాలకు అలవాటు పడి, నర్సింహులపేట, మరిపెడ, తొర్రూర్ మండలంలో ఇంటి ముందు కట్టేసిన గొర్రెలు, మేకలను దొంగతనం చేసేవారు.
వాటిలో కొన్ని తామే కోసుకుని, మిగితా వాటిని అమ్ముకునే వారు. ఈ క్రమంలో కొన్ని గొర్లను తొర్రూర్ లోని అంగడిలో అమ్మేందుకు వెళ్తుండగా సమాచారం మేరకు పోలీసులు పట్టుకున్నారు. పట్టుబడిన మేకలు,గొర్రెల విలువ లక్ష50వేలు ఉంటుందని సీఐ సత్యనారాయణ, ఎస్సై సతీశ్ చెప్పారు. నలుగురుని అరెస్టు చేసి ఆటో సీజ్ చేశామని తెలిపారు.
