హైదరాబాద్, వెలుగు: జుక్కల్ వద్ద శుక్రవారం జరిగిన ఆర్టీసీ బస్సు ప్రమాదంపై రవాణా మంత్రి పొన్నం ప్రభాకర్ దిగ్ర్భ్రాంతి వ్యక్తం చేశారు. బస్సు డ్రైవర్ మృతి తీవ్రంగా కలిచివేసిందని, గాయపడ్డవారికి వెంటనే మెరుగైన వైద్య సేవలందించాలని సంబంధిత అధికారులను ఆదేశించారు. శుక్రవారం ఆయన హైదరాబాద్లో ప్రమాదానికి దారితీసిన పరిస్థితులపై జిల్లా కలెక్టర్, ఎస్పీతో మాట్లాడి, అవసరమైన చర్యలు తీసుకోవాలన్నారు. మృతి చెందిన డ్రైవర్ కుటుంబానికి అండగా ఉంటామని, గాయపడ్డ వారికి అధికారులు అండగా నిలవాలని సూచించారు.
