హుస్నాబాద్, వెలుగు : పదేండ్లుగా ప్రజలను చీడపురుగుల్లా చూస్తూ, వారు ఇచ్చిన అధికారంతో రూ.లక్షల కోట్లు దోచుకున్న దొరల పాలన కావాల్నా..? ప్రజలకు పాలేరుగా ఉంటూ సేవలు చేసే కాంగ్రెస్ ప్రభుత్వం కావాల్నా తేల్చుకోవాలని ఆ పార్టీ హుస్నాబాద్ అభ్యర్థి పొన్నం ప్రభాకర్అన్నారు. బుధవారం ఆయన నామినేషన్వేసిన అనంతరం సీపీఐ జాతీయ కార్యవర్గ సభ్యుడు చాడ వెంకటరెడ్డి, మాజీ ఎమ్మెల్యే అలిగిరెడ్డి ప్రవీణ్రెడ్డితో కలిసి మీడియాతో మాట్లాడారు. పదేండ్లుగా సెక్రటేరియట్కు రాకుండా, ఫామ్హౌజ్కే పరిమితమై రూ.లక్షల కోట్ల ప్రజాధనాన్ని మింగిన ఏకైక ముఖ్యమంత్రి కేసీఆరే అన్నారు.
గతంలో ఏ ముఖ్యమంత్రి కూడా ఇలా ప్రజలను కలవకుండా ఉండలేదన్నారు. కాంట్రాక్టర్ల జేబులు నింపేందుకు, తన కుటుంబానికి కమీషన్లు రాబట్టుకునేందుకు కాళేశ్వరం ప్రాజెక్టు కట్టుకున్నారన్నారు. భారీ అవినీతితో క్వాలిటీ లేకుండా కట్టిన ఆ ప్రాజెక్టు ఇప్పుడు పనికిరాకుండాపోయిందన్నారు. రాజ్యాంగాన్ని కాదని సొంత ఎజెండాతో రాజరికపాలన సాగించారన్నారు. కేసీఆర్, ఆయన కుటుంబ సభ్యుల నియోజకవర్గాలనే అభవృద్ధి చేసుకున్నారన్నారు. కేసీఆర్కు దగ్గరివాడని చెప్పుకునే వొడితల సతీశ్కుమార్ హుస్నాబాద్ సెగ్మెంటులో ఎలాంటి అభవృద్ధి చేయలేదన్నారు.
