- ప్రజాశాంతి పార్టీ ప్రెసిడెంట్ పాల్
హైదరాబాద్, వెలుగు : “కేసీఆర్ జైలు కెళ్లడం ఖాయం. ఆయన చేసిన అవినీతిపై సీబీఐ డైరెక్టర్కు ఫిర్యాదు చేశా. రాష్ట్రాన్ని దోచుకున్నది సరిపోక దేశాన్ని దోచుకునేందుకు కేసీఆర్ బయల్దేరిండు. కేటీఆర్ను సీఎం చేసి బీఆర్ఎస్ పేరుతో దేశ రాజకీయాలు చేస్తడంట. మీరు అనుకున్నది జరగదు” అని ప్రజాశాంతి పార్టీ ప్రెసిడెంట్ కేఏ పాల్ విమర్శించారు. శనివారం అమీర్ పేటలోని పార్టీ కార్యాలయంలో ఆయన మీడియాతో మాట్లాడారు. కాళేశ్వరంలో రూ.లక్షా5 వేల కోట్లు, యాదాద్రిలో రూ.2 వేల కోట్ల అవినీతి జరిగిందని ఆరోపించారు. కేసీఆర్ అవినీతిపై అన్ని ఆధారాలను సీబీఐ డైరెక్టర్ జైస్వాల్కు అందజేశానని తెలిపారు. రాష్ర్టం వచ్చాక కేసీఆర్, ఆయన కుటుంబం, పక్కనున్నోళ్లు మాత్రమే బాగుపడ్డారని ఆరోపించారు. టీఆర్ఎస్ అంటే తోడు దొంగల రాష్ట్ర సమితి, బీఆర్ఎస్ భారత బడాచోర్ రాష్ట్ర సమితి అని ఎద్దేవా చేశారు.
