సికింద్రాబాద్ గాంధీ హాస్పిటల్ ఎంసీహెచ్ విభాగ భవనం సమీపంలో ఉన్న బస్ షెల్టర్ ప్రైవేట్ వాహనాల పార్కింగ్కు అడ్డాగా మారింది. వందలాది మంది గర్భిణులు, బాలింతలు, వారి సహాయకులతో ఈ బస్ షెల్టర్ నిత్యం బిజీగా ఉంటుంది. అయితే ఇక్కడి ప్రైవేట్ ఆటోలు, కార్లు, ఇతర వాహనాలను నిలుపుతుండడంతో వారికి ఇబ్బందిగా మారుతోంది. ప్రయాణికులు షెల్టర్లోకి వెళ్లడానికి వీలు లేకుండా, రోడ్డుపైనే నిలబడి బస్సుల కోసం ఎదురుచూడాల్సి వస్తోంది. ఆర్టీసీ, ట్రాఫిక్ పోలీస్ అధికారులు చర్యలు తీసుకోవాలని ప్రయాణికులు కోరుతున్నారు.
