న్యూయార్క్: అమెరికా అధ్యక్షుడు డొనాల్డ్ట్రంప్కు వ్యతిరేకంగా సొంత దేశంలో ఆందోళనలు మిన్నంటుతున్నాయి. శనివారం పలు నగరాల్లో జనం వీధుల్లోకి వచ్చి.. ‘ట్రంప్ దిగిపోవాలి’ అంటూ నినాదాలు చేశారు. ప్లకార్డులు ప్రదర్శించారు. ఇటీవల లాస్ఏంజెల్స్లో అక్రమవలసదారులపై ట్రంప్ఉక్కుపాదం మోపడం.. ఆయన తీరుకు నిరసనగా జనం రోడ్లమీదికి రావడంతో చెలరేగిన నిరసనల మంటలు దేశమంతా విస్తరిస్తున్నాయి.
శనివారం ఓ వైపు అమెరికా ఆర్మీ 250వ వార్షికోత్సవాల్లో ట్రంప్ బిజీగా ఉండగా.. మరోవైపు పలు నగరాల్లో ఆయనకు వ్యతిరేకంగా జనం ప్రదర్శనలు చేపట్టారు. పార్కుల్లో గుమిగూడి ఆందోళనలు నిర్వహించారు. వలసదారుల హక్కులను కాపాడాలంటూ నినాదాలు చేశారు. పోర్ట్లాండ్ వంటి ఏరియాల్లో నిరసనకారులపైకి పోలీసులు టియర్గ్యాస్ప్రయోగించారు.
సాల్ట్లేక్సిటీలో దుండగులు కాల్పులు జరిపారు. ఈ ఘటనలో పలువురు గాయపడగా.. ముగ్గురు అనుమానితులను పోలీసులు అదుపులోకి తీసుకున్నారు. న్యూయార్క్, డెన్వర్, చికాగో, ఆస్టిన్, లాస్ఏంజెల్స్లో వేల మంది రోడ్ల మీదికి వచ్చి ‘ట్రంప్ గో బ్యాక్.. నో కింగ్స్” అంటూ నినదించారు. సియాటెల్లో దాదాపు 70వేల మంది ఆందోళనల్లో పాల్గొన్నారు.
