మహారాష్ట్రలోని పూణెలో భారీ వర్షాలు కురుస్తు్న్నాయి. ఆదివారం(ఆగస్టు 18, 2024) కురిసిన భారీ వర్షంతో నగరంలోని పలు ప్రాంతాలు భారీ ఎత్తున నీట మునిగాయి. రోడ్లు, వీధులు చెరువులను తలపించాయి. రోడ్లపై మోకాళ్లోతు నీళ్లు రావడంతో భారీ ఎత్తున ట్రాఫిక్ జామ్ అయింది. భారీ వర్షంతో పూణెలోని ప్రధాన వీధులు ఎక్కడ చూసినా నీళ్లే కనిపిస్తున్నాయి.. భారీ వర్షాలతో ప్రజలు ఎదుర్కొంటున్న ఇబ్బందులు పడుతున్న దృశ్యాల వీడియోలో సోషల్ మీడియాలో కనిపిస్తున్నాయి.
#WATCH | Pune, Maharashtra: Severe waterlogging witnessed in parts of Pune after incessant rainfall.
— ANI (@ANI) August 18, 2024
(Visuals from Lullanagar area) pic.twitter.com/HThwMoyGND
వరదలు, నీళ్లు నిలిచిపోవడంతో నగరంలో చాలా ప్రాంతాలు నీటిలో మునిగాయి. దీంతో ట్రాఫిక్ జామ్ ఏర్పడి వాహనాల రాకపోకలకు అంతరాయం ఏర్పడింది. పుణెలోని బీటీ కవాడే రోడ్ లో కార్లు, ఆటోలు నీటిలో మునిగిన దృశ్యాలు సోషల్ మీడియాలో పోస్ట్ చేస్తున్నారు స్థానికులు.
పూణెలో గంట వ్యవధిలోనే భారీ వర్షం కురిసింది. నగరంలోని అనేక ప్రాంతాల్లో రోడ్లపై, వీధుల్లో ఎక్కడికక్కడ నీరు నిలిచిపోయింది. చాలా ప్రాంతాల్లో మోకాళ్ల లోతు నీరు నిలిచింది. ఘోర్ పాడి, సోపాన్ బాగ్, బీటీ కవాడే, రేర్ వాడలో భారీవర్షాలు కురుస్తుండటంతో రోడ్లు జలమయమయ్యాయి. బైకులు, కార్లు, ఆటో రిక్షాలు ఎక్కడికక్కడ నిలిచిపోయాయి.
Heavy rains / Waterlogging at multiple locations in Pune. Stay safe Punekars.#Pune #PuneRains pic.twitter.com/wTIdl1gZLW
— Rahil Mohammed ? (@iamRahilM) August 18, 2024
కేవం గంటపాటు కురిసిన వర్షానికి పూణె వాసులకు తీవ్ర అంతరాయం కలిగిం చింది. చందన్ నగర్, ఖరాడీ ప్రాంతాలు తీవ్రంగా దెబ్బతిన్నాయి. ఘోర్ పాడిలో చెట్టు కూలడంతో ట్రాఫిక్ కు అంతరాయం ఏర్పడింది. వర్షం కారణంగా పూణె అంతటా ప్రజలు తీవ్ర ఇబ్బందులు పడుతున్నారు. తారాదత్, శివదత్ కాలనీలను వరదలు ముంచెత్తాయి. ఈ కాలనీల్లో చాలా ఇళ్లలోకి నీరు చేరింది.
Pune: Heavy rain in Pune across all areas. Knee deep Water logging Opposite Jaisinghrao Sasane Garden Pune Corporation Garden, BT Kawade Rd, Pune @PMCPune pic.twitter.com/Tptlz3eUmH
— Pune Pulse (@pulse_pune) August 18, 2024
ఇటీవల వర్షాల తర్వాత పదిరోజులు గ్యాప్ ఇచ్చిన వరుణుడు.. శనివారం, ఆదివారం మళ్లీ విజృంభించాడు. ఆదివారం కురిసిన భారీ వర్షంతో పూణె వాసులను ఆందోళనకు గురి చేసింది. పనులు ముగించుకొని ఇళ్లకు చేరే సమయంలో భారీ వర్షం కురవడంతో రోడ్లపై నీరు నిలిచి ప్రజల జీవనానికి తీవ్ర అంతరాయం కలిగింది.
రాబోయే రోజుల్లో పూణె సిటీ, పరిసర ప్రాంతాల్లో భారీ వర్షాలు కురుస్తాయని వాతావరణ శాఖ హెచ్చరికలు జారీ చేసింది.
