బ్యాకప్ కాన్వాయ్తో పుతిన్ను సేఫ్ ప్లేస్కు తరలించిన అధికారులు
మాస్కో: రష్యా ప్రెసిడెంట్ పుతిన్ హత్యాయత్నం నుంచి తృటిలో తప్పించుకున్నారు. ఆయన ప్రయానిస్తున్న కాన్వాయ్లోని ఓ కారును అంబులెన్స్ అడ్డుకుంది. అయినా భద్రతా బలగాలు కారును ఆపకుండా పుతిన్ను సురక్షిత ప్రాంతానికి తీసుకెళ్లాయని యూరో వీక్లీ న్యూస్ తెలిపింది. జీవీఆర్ అనే టెలిగ్రామ్ చానెల్ ఈ ఘటనకు సంబంధించిన ఇన్ఫర్మేషన్ను రిలీజ్ చేసింది. అయితే ఇది ఎక్కడ జరిగిందో మాత్రం చెప్పలేదు. ‘‘రష్యా అధ్యక్షుడు పుతిన్ ఆఫీస్ నుంచి ఇంటికి వెళ్తుండగా ముందున్న ఎస్కార్ట్ కారును ఓ అంబులెన్స్ అడ్డగించింది. ఈ ఆకస్మిక పరిణామంతో రెండో ఎస్కార్ట్ కారు కంట్రోల్ తప్పి చక్కర్లు కొట్టింది.
వెంటనే బ్యాకప్ కాన్వాయ్ సాయంతో పుతిన్ను డెకాయ్ మోటర్కేడ్లో ఆయన ఇంటికి తీసుకెళ్లారు’ అని టెలిగ్రామ్ చానెల్ తెలిపింది. ఈ ఘటనతో సంబంధం ఉన్న పలువురు సెక్యూరిటీ ఆఫీసర్లను పోలీసులు విచారిస్తున్నారు. పుతిన్కు ఎలాంటి గాయాలు కాలేదని, భద్రతా వైఫల్యంతోనే ఇలా జరిగిందని అధికారులు వివరించారు. పుతిన్ ఆరోగ్యం గురించి అంతర్జాతీయ మీడియాలో ఎన్నో వార్తలు వస్తున్నాయి. ఈ టైంలో ఆయనపై హత్యాయత్నం జరగడం చర్చనీయాంశమైంది.
