ఆధార్ ఓటీపీ ఉంటేనే తత్కాల్ టికెట్.. కొత్త నిబంధన తీసుకొచ్చిన రైల్వే శాఖ

• కొత్త నిబంధన తీసుకొచ్చిన రైల్వే శాఖ
• జులై 1 నుంచి అమలు చేసేందుకు నిర్ణయం

హైదరాబాద్​సిటీ, వెలుగు: రైల్వే తత్కాల్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ టికెట్ల బుకింగ్​లో కేంద్ర ప్రభుత్వం కొత్త నిబంధన తీసుకొచ్చింది. దళారులకు చెక్ పెట్టేందుకు ఐఆర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌సీటీసీ వెబ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌సైట్/యాప్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో ఆధార్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ అథంటికేటెడ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ విధానం అమలు చేయనున్నది. తత్కాల్ టికెట్ బుక్ చేసుకోవాలనుకున్నవారు తప్పనిసరిగా ఆధార్ అథంటికేషన్ ఉండాల్సిందే అని రైల్వే శాఖ స్పష్టం చేసింది. జులై 1 నుంచి ఈ కొత్త నిబంధన అమల్లోకి వస్తుందని ప్రకటించింది. ఈ మేరకు అన్ని రైల్వే జోన్లకు సర్క్యూలర్ జారీ చేసింది. జులై 15 నుంచి తత్కాల్ టికెట్ల బుకింగ్ లో ఆధార్ బేస్డ్ ఓటీపీ కూడా తప్పనిసరి చేయనున్నట్లు తెలిపింది. గత 6 నెలల్లో 2.5 కోట్ల అనుమానాస్పద ఐఆర్​సీటీసీ ఐడీలను బ్లాక్ చేసినట్లు రైల్వే శాఖ ప్రకటించింది.

 టికెట్ బుకింగ్ కోసం బాట్ సాఫ్ట్ వేర్ ఉపయోగించినందుకే ఐడీలను బ్లాక్ చేశామని తెలిపింది. ఫోన్​కు వచ్చే ఆధార్ ఓటీపీ ఎంటర్ చేస్తేనే తత్కాల్ టికెట్లు బుక్ అవుతాయని చెప్పింది. ఆథరైజ్డ్ ఏజెంట్లకు తత్కాల్ టికెట్ల బుకింగ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌కు తొలి 30 నిమిషాల పాటు అవకాశం ఇవ్వబోమని స్పష్టం చేసింది. అంటే.. ఏసీ క్లాస్​కు ఉదయం 10.30 గంటల తర్వాత, నాన్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ ఏసీ క్లాస్​కు ఉదయం 11.30 గంటల తర్వాత మాత్రమే టికెట్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ బుకింగ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌కు వెసులుబాటు కల్పించనున్నారు. ఈ ఆదేశాలకు అనుగుణంగా రైల్వే ఇన్ఫర్మేషన్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ సిస్టమ్స్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌, ఐఆర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌సీటీసీ తమ సిస్టమ్స్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో మార్పులు చేసుకోవాలని రైల్వే శాఖ సూచించింది. అనధికారిక టికెట్ బుకింగ్ లకు ఫుల్ స్టాప్ పెట్టేందుకే రైల్వే శాఖ ఈ నిర్ణయం తీసుకున్నట్లు అధికారులు తెలిపారు.