రష్మిక హీరోయిన్‌‌‌‌‌‌‌‌గా రూపొందుతున్న ఫిమేల్ సెంట్రిక్ మూవీ ‘రెయిన్ బో’. ‘శాకుంతలం’ ఫేమ్ దేవ్‌ మోహన్ ప్రధాన పాత్ర పోషిస్తున్నాడు. శంతరుబెన్ దర్శకుడు. డ్రీమ్ వారియ‌‌‌‌‌‌‌‌ర్ పిక్చర్స్ బ్యానర్‌‌‌‌‌‌‌‌‌‌‌‌‌‌‌‌పై ఎస్‌.ఆర్.ప్రభు, ఎస్‌.ఆర్ ప్రకాష్ బాబు నిర్మిస్తున్నారు. తెలుగు, తమిళ భాషల్లో తెరకెక్కనున్న ఈ మూవీ ఫస్ట్ షెడ్యూల్ శనివారం పూర్తయింది. మునార్, కోడైకెనాల్‌‌‌‌‌‌‌‌లో జరిగిన ఈ షెడ్యూల్‌‌‌‌‌‌‌‌లో రష్మిక, దేవ్‌ మోహన్‌‌‌‌‌‌‌‌తో పాటు ఇతర పాత్రధారులతో ఇంపార్టెంట్ సీన్స్ షూట్ చేశారు. ఈ సందర్భంగా ‘రెయిన్ బో’ టీమ్‌‌‌‌‌‌‌‌కి థ్యాంక్యూ చెబుతూ దేవ్‌ మోహన్, టీమ్‌‌‌‌‌‌‌‌తో కలిసున్న ఫొటోలను రష్మిక సోషల్ మీడియాలో షేర్ చేసింది.
