హనుమకొండ, వెలుగు: వరంగల్ నగరంలో శుక్రవారం మధ్యాహ్నం ఓ మోస్తరు వర్షం కురిసింది. హనుమకొండ సిటీలో దాదాపు అరగంట పాటు వాన పడగా.. చాలాచోట్ల డ్రైనేజీలు పొంగిపొర్లాయి. నాలాలు ఉప్పొంగాయి. వరద నీళ్లన్నీ రోడ్ల మీదకు చేరాయి. లోతట్టు ప్రాంతాలు జలమయం అయ్యాయి. హనుమకొండలో గోకుల్ నగర్, తిరుమల బార్ జంక్షన్, శ్రీనివాస్ కాలనీ, అశోక కాలనీ, ఆ చుట్టుపక్కల ప్రాంతాల్లో నీళ్లు నిండాయి.
హనుమకొండ తహసీల్దార్ ఆఫీస్ ఆవరణలోకి నీళ్లు చేరాయి. అప్పటికప్పుడు ఆఫీసర్లు జేసీబీతో డ్రైన్లు సాఫ్ చేసే పనిలో పడ్డారు. చిన్నవాన పడినా ప్రతిసారి ఇదే సమస్య ఎదురవుతున్నది. ఏటా ఇదే పరిస్థితి ఎదురవుతున్నా లీడర్లు పట్టించుకోవడం లేదనే ఆరోపణలు వినిపించాయి.
