హైదరాబాద్, వెలుగు : పాతబస్తీ దాకా మెట్రో విస్తరించాలని నిరసన తెలిపితే.. ముందస్తు అరెస్టులు చేయడం ఏంటని సీఎం కేసీఆర్, మంత్రి కేటీఆర్పై గోషామహల్ ఎమ్మెల్యే రాజాసింగ్ మండిపడ్డారు. బీజేపీ డిమాండ్లో తప్పు ఏముందని ప్రశ్నించారు. జోకర్ కేటీఆర్, బట్టేబాజ్ సీఎం కేసీఆర్ అంటూ.. బుధవారం ప్రకటనలో మండిపడ్డారు. పాతబస్తీకి మెట్రోపై టీఆర్ఎస్, ఎంఐఎం నేతలు డ్రామాలు ఆడుతున్నారని ఫైర్ అయ్యారు. పాతబస్తీ అభివృద్ధి చెందితే వారికి రాజకీయ భవిష్యత్ ఉండదన్న ఉద్దేశంతోనే ఆ ప్రాంతాన్ని డెవలప్ చేయట్లేదని అన్నారు.
