న్యూఢిల్లీ: కార్గిల్ యుద్ధంలో దేశం కోసం పోరాడి ఎందరో సైనికులు ప్రాణ త్యాగాలు చేశారని రక్షణ మంత్రి రాజ్నాథ్ సింగ్ స్మరించుకున్నారు. వారంద రికీ సెల్యూట్ చేస్తున్నానని చెప్పారు. 23వ కార్గిల్ దివస్ మంగళవారం జరగనున్న సందర్భంగా మంత్రి జమ్మూలో పర్యటించారు. 1999 కార్గిల్ యుద్ధం లో ప్రాణత్యాగం చేసిన అమరవీరుల కుటుంబాలను ఆయన సత్కరించి మాట్లాడారు. స్వాతంత్ర్యం తర్వాత నుంచి లడఖ్, జమ్మూకాశ్మీర్పై శత్రువు లు టార్గెట్ చేశారని, మన సైనికులు వీరోచితంగా పోరాడి వాళ్ల పన్నాగాల ను తిప్పికొట్టారని అన్నారు. దేశం కోసం ప్రాణాలిచ్చిన వీరులను ఎప్పటికీ గుర్తుంచుకుంటామని చెప్పారు. ఇప్పడు మన దేశం ప్రపంచంలోని శక్తివంతమైన దేశాల్లో ఒకటిగా ఉందన్నారు. విజయ్ దివస్ను పురస్కరించుకుని కార్గిల్ యుద్ధవీరుల మెమోరియల్ వద్ద అధికారులు ప్రత్యేక కార్యక్రమాలకు ఏర్పాట్లు చేశారు.
