అఖిల్, తేజస్విని జంటగా సాయిలు కంపాటి దర్శకత్వంలో వేణు ఊడుగుల, రాహుల్ మోపిదేవి నిర్మిస్తున్న చిత్రం ‘రాజు వెడ్స్ రాంబాయి’. శివాజీ రాజా, చైతు జొన్నలగడ్డ కీలక పాత్రలు పోషించారు. ఈ నెల 21న వంశీ నందిపాటి, బన్నీ వాస్ థియేట్రికల్ రిలీజ్ చేస్తున్నారు. మంగళవారం ఈ చిత్రం నుంచి ‘రాంబాయి నీ మీద నాకు..’ అనే లిరికల్ సాంగ్ను మంచు మనోజ్, భూమా మౌనిక విడుదల చేసి టీమ్కు బెస్ట్ విషెస్ చెప్పారు.
ఈ చిత్రం యువతతోపాటు ప్రతి ఒక్కరినీ అలరించేలా ఉంటుందని నటీనటులు అన్నారు. ‘ప్రేమికులు ఈ సినిమాను చూసి నవ్వుతారు, ఏడుస్తారు. సినిమా చూస్తున్న వాళ్లకు వాళ్ల ప్రేమ గుర్తుకొస్తుంది’ అని డైరెక్టర్ సాయిలు కంపాటి చెప్పాడు. నిర్మాత వేణు ఊడుగుల మాట్లాడుతూ ‘రాజు, రాంబాయి ప్రేమలో సంతోషం ఉంది, దు:ఖం ఉంది.
గతించిన చరిత్రకు, ప్రస్తుత చరిత్రకు ఈ సినిమా ఒక సాక్ష్యంగా నిలుస్తుంది’ అని అన్నారు. నిర్మాత వంశీ నందిపాటి, మ్యూజిక్ డైరెక్టర్ సురేష్ బొబ్బిలి, సింగర్ నల్లగొండ గద్దర్ నర్సన్నతోపాటు మూవీ టీమ్ అంతా పాల్గొన్నారు.
