వడ్డీరేట్లపై రిజర్వ్ బ్యాంక్ ఆఫ్ ఇండియా కీలక ప్రకటన చేసింది. ద్రవ్యోల్బణం తగ్గడంతో కీలక వడ్డీరేట్లలో 25శాతం తగ్గించింది ఆర్బీఐ. రెపో రేటు 6.5శాతం నుంచి 6.25శాతానికి తగ్గింది. ద్రవ్య పరపతి విధాన సమీక్షలో ఈ మేరకు నిర్ణయం తీసుకుంది. మూడు రోజుల పాటు జరిగిన సమీక్ష నిర్ణయాలను ఆర్ బీఐ గవర్నర్ శక్తికాంత దాస్ ప్రకటించారు. రివర్స్ రెపో రేటును 6 శాతానికి, బ్యాంకు రేటును 6.5 శాతానికి తగ్గించారు.
2019-20 ఆర్థిక సంవత్సరం తొలి ఆర్నెళ్లలో ద్రవ్యోల్బణం 3.2 నుంచి 3.4 శాతంగా, ఆ తర్వాత మూడు నెలలు 3.9 శాతంగా ఉంటుందని అంచనా వేసింది. 2019-20 ఆర్థిక సంవత్సరంలో జీడీపీ వృద్ధిరేటు 7.4 శాతంగా అంచనా వేసింది ఆర్బీఐ. మానిటరీ పాలసీ కమిటీలో వడ్డీరేట్ల తగ్గింపుపై నలుగురు సభ్యులు సానుకూలంగా స్పందించగా.. ఇద్దరు వ్యతిరేకించారు.
