RCB vs GT: ధర్మశాల వేదికగా ఐపీఎల్ 2026 క్వాలిఫైయర్-1 లొల్లి అస్సలైన హై-వోల్టేజ్ మ్యాచ్ జరుగుతుంది. టాస్ ఓడి ఫస్ట్ బ్యాటింగ్కు దిగిన రాయల్ ఛాలెంజర్స్ బెంగళూరు (RCB) జట్టు నిర్ణీత 20 ఓవర్లలో 5 వికెట్ల నష్టానికి ఏకంగా 254 పరుగుల భారీ స్కోరు చేసి గుజరాత్ టైటాన్స్ (GT) మైండ్ బ్లాక్ చేసింది. కెప్టెన్ రజత్ పాటిదార్ లీడింగ్ ఫ్రమ్ ది ఫ్రంట్ అంటూ ఖతర్నాక్ ఇన్నింగ్స్తో గుజరాత్ బౌలర్లను ఉతికి ఆరేసిండు.
కోహ్లి, పడిక్కల్ అవుట్!
కీలకమైన మ్యాచ్లో ఆర్సీబీకి ఆశించిన స్థాయిలో స్టార్టింగ్ దొరకలేదు. ఫుల్ ఫామ్లో ఉన్న ఓపెనర్ వెంకటేష్ అయ్యర్ (19)ను కగిసో రబాడ ప్రారంభంలోనే అవుట్ చేసి షాకిచ్చాడు. బౌండరీ లైన్ దగ్గర శుభ్మన్ గిల్ సూపర్ క్యాచ్తో అయ్యర్ ప్యాకప్ అయ్యాడు. ఆ తర్వాత మైదానంలోకి వచ్చిన దేవదత్ పడిక్కల్తో కలిసి కింగ్ విరాట్ కోహ్లి స్కోర్ బోర్డును పరిగెత్తించాడు. వీరిద్దరూ కలిసి 72 పరుగుల క్రేజీ పార్ట్నర్షిప్ బిల్డ్ చేశారు. కానీ, జట్టు స్కోరు 93 రన్స్ వద్ద ఆర్సీబీకి బిగ్ షాక్ తగిలింది. హాఫ్ సెంచరీకి దగ్గరవుతున్న కింగ్ కోహ్లిని జేసన్ హోల్డర్ ఒక అద్భుతమైన బాల్తో క్లీన్ బౌల్డ్ చేయగా, ఆ కాసేపటికే పడిక్కల్ కూడా హోల్డర్ బౌలింగ్లోనే క్యాచ్ అవుట్ అయ్యాడు. దీంతో 94 రన్స్కే 3 కీలక వికెట్లు కోల్పోయి ఆర్సీబీ కొంచెం తిప్పల్లో పడ్డట్టు కనిపించింది.
కెప్టెన్ పాటిదార్, కృనాల్ పాండ్యా పార్ట్నర్షిప్:
ఈ టైంలో క్రీజులోకి వచ్చిన కెప్టెన్ రజత్ పాటిదార్, కృనాల్ పాండ్యా కలిసి గుజరాత్ బౌలర్లపై ఎదురుదాడికి దిగారు. ఇద్దరూ కలిసి స్టేడియం నలుమూలలా బౌండరీలు బాదుతూ స్కోరును పీక్స్కి తీసుకెళ్లారు. వీరిద్దరి మధ్య 95 పరుగుల భీకర భాగస్వామ్యం నెలకొంది. కానీ 43 రన్స్ చేసి ప్రమాదకరంగా మారుతున్న కృనాల్ పాండ్యాను అవుట్ చేసి రబాడ గుజరాత్కు బ్రేక్ త్రూ ఇచ్చాడు. ఆ వెంటనే వచ్చిన టిమ్ డేవిడ్ (4) కూడా ప్రసిద్ధ్ కృష్ణ బౌలింగ్లో క్లీన్ బౌల్డ్ అయి నిరాశపరిచాడు.
కొద్దిలో సెంచరీ మిస్.. కెప్టెన్ ఇన్నింగ్స్ నెక్స్ట్ లెవెల్:
ఒకవైపు వికెట్లు పడుతున్నా.. ఇంకోవైపు కెప్టెన్ రజత్ పాటిదార్ మాత్రం అస్సలు తగ్గలేదు. గుజరాత్ బౌలింగ్ అటాక్ను చీల్చి చెండాడుతూ ఆర్సీబీకి భారీ స్కోరును అందించాడు. కేవలం 7 పరుగుల తేడాతో సెంచరీ మిస్ చేసుకున్నప్పటికీ.. 93 పరుగులతో నాటౌట్గా నిలిచి కెప్టెన్ ఇన్నింగ్స్ ఆడాడు. పాటిదార్ చెలరేగడంతోనే ఆర్సీబీ స్కోర్ బోర్డుపై 254 రన్స్ పెట్టగలిగింది. మరి ఈ భారీ లక్ష్యంతో చేజింగ్కు దిగుతున్న గుజరాత్ టైటాన్స్ను ఆర్సీబీ బౌలర్లు కట్టడి చేస్తారా? లేక శుభ్మన్ గిల్ సేన చేజింగ్లో మ్యాజిక్ చేసి ఫైనల్కు వెళ్తుందా అనేది చూడాలి.
ICYMI: Lightning struck again in Dharmshala ⚡
— IndianPremierLeague (@IPL) May 26, 2026
Jason Holder recreated a dismissal we've seen before 👀
Updates ▶️ https://t.co/9rs6u5obOw#TATAIPL | #Qualifier1 | #TheFinalLeap | #RCBvGT | @Jaseholder98 | @gujarat_titans pic.twitter.com/6QJqaQPiKd
