ముంబై: జియోమార్ట్ ఎక్స్ప్రెస్ బ్రాండ్ పేరుతో రిలయన్స్ రిటెయిల్ క్విక్ డెలివరీ సేవలు మొదలు పెట్టింది. నవీ ముంబైలో ఈ కొత్త సర్వీసు ట్రయల్స్ను నిర్వహిస్తున్నారు. ఈ ఏడాది చివరిలోగా జియోమార్ట్కు ఆపరేషన్స్ ఉన్న 200 సిటీలలో క్విక్ డెలివరీ సేవలను అందుబాటులోకి తేవాలనేది కంపెనీ ప్లాన్. బిగ్బాస్కెట్, బ్లింకిట్, స్విగ్గీ ఇన్స్టామార్ట్, ఫ్లిప్కార్ట్ క్విక్, జెప్టో వంటి ప్లాట్ఫామ్స్ ఇప్పటికే క్విక్ డెలివరీలను అందిస్తున్నాయి. వీటిలో బ్లింకిట్, జెప్టోలు పది నిమిషాల డెలివరీని టార్గెట్ చేస్తున్నాయి. జియోమార్ట్ ఎక్స్ప్రెస్ డెలివరీ మాత్రం 90 నిమిషాలలో డెలివరీని ప్రామిస్ చేస్తోంది. మినిమం ఆర్డర్ వాల్యూ పెట్టకపోయినా, రూ. 199 కి మించిన కొనుగోళ్లకే ఫ్రీ డెలివరీని జియోమార్ట్ ఎక్స్ప్రెస్ చేయాలనుకుంటోందని పరిశ్రమ వర్గాలు చెబుతున్నాయి. రిలయన్స్ రిటెయిల్ స్టోర్ల నుంచే జియోమార్ట్ ఎక్స్ప్రెస్ డెలివరీలన్నింటినీ ఫుల్ఫిల్ చేస్తారు. గ్రోసరీలు, పర్సనల్ కేర్, హోమ్ కేర్ ప్రొడక్టులపై ప్రస్తుతం ఫోకస్ పెడుతున్నారు. మెడిసిన్స్, స్మార్ట్ఫోన్ల వంటి చిన్న ఎలక్ట్రానిక్ ఐటమ్స్నూ చేర్చాలని రిలయన్స్ ఆలోచిస్తున్నట్లు ఆ వర్గాలు పేర్కొంటున్నాయి.
రిలయన్స్ రిటెయిల్ మాత్రం అధికారికంగా ఇంకా స్పందించలేదు. మెట్రో సిటీలలో డంజో నెట్వర్క్ పటిష్టంగా ఉండటంతో ఆ సేవలనూ ఉపయోగించుకోవాలని జియోమార్ట్ ఎక్స్ప్రెస్ చూస్తోందని సమాచారం. రిలయన్స్ డిజిటల్లో మొబైల్స్, లాప్టాప్ వంటి ప్రొడక్టుల ఆర్డర్లను మూడు గంటలలోపే రిలయన్స్ రిటెయిల్ డెలివరీ ఎప్పటి నుంచో ఇస్తోంది.
