- వెల్లడించిన ఎన్ఎస్ఎన్ఓ
న్యూఢిల్లీ : పట్టణ ప్రాంతాల్లో 15 ఏళ్లు, అంతకంటే ఎక్కువ వయస్సు ఉన్నవారి నిరుద్యోగం రేటు ఈ ఏడాది జనవరి–-మార్చి కాలంలో సంవత్సరానికి 6.8 శాతం నుంచి 6.7 శాతానికి తగ్గిందని నేషనల్ శాంపిల్ సర్వే (ఎన్ఎస్ఎస్ఓ) తెలిపింది. నిరుద్యోగం లేదా నిరుద్యోగిత రేటును శ్రామిక శక్తిలో నిరుద్యోగుల శాతంగా నిర్వచిస్తారు. 2023 ఆర్థిక సంవత్సరం మార్చి క్వార్టర్లో నిరుద్యోగిత రేటు 6.8 శాతం కాగా, ఏప్రిల్–-జూన్లో అలాగే అంతకుముందు ఆర్థిక సంవత్సరం మూడో క్వార్టర్లో (జూలై-–సెప్టెంబర్ 2023) 6.6 శాతంగా ఉంది.
ఇది అక్టోబర్–-డిసెంబర్ 2023లో 6.5 శాతంగా ఉంది. 2024 జనవరి–-మార్చిలో 15 ఏళ్లు అంతకంటే ఎక్కువ వయస్సు ఉన్న వ్యక్తుల నిరుద్యోగిత రేటు పట్టణ ప్రాంతాల్లో 6.7 శాతంగా ఉందని 22వ పీరియాడిక్ లేబర్ ఫోర్స్ సర్వే (పీఎల్ఎఫ్ఎస్) వెల్లడించింది. పట్టణ ప్రాంతాల మహిళల్లో (15 ఏళ్లు అంతకంటే ఎక్కువ వయస్సు ఉన్నవారు) నిరుద్యోగం రేటు 2024 జనవరి–-మార్చిలో 8.5 శాతానికి తగ్గింది. ఇది ఏడాది క్రితం ఇదే క్వార్టర్లో 9.2 శాతంగా ఉంది. నిరుద్యోగిత గత ఏప్రిల్–-జూన్లో 9.1 శాతం, 2023 జూలై–-సెప్టెంబర్లో 8.6 శాతం, అక్టోబర్–-డిసెంబర్ 2023లో 8.6 శాతంగా రికార్డయింది.
పురుషులలో, పట్టణ ప్రాంతాల్లో నిరుద్యోగం రేటు 2024 జనవరి-–మార్చిలో 6.1 శాతానికి పెరిగింది, ఇది సంవత్సరం క్రితం కాలంలో 6 శాతంగా ఉంది. అయితే, 2023 ఏప్రిల్–-జూన్లో 5.9 శాతం, జూలై-–సెప్టెంబర్ 2023లో 6 శాతం, అక్టోబర్–-డిసెంబర్ 2023లో 5.8 శాతంగా ఉంది. 15 ఏళ్లు, అంతకంటే ఎక్కువ వయస్సు గల వ్యక్తుల కోసం పట్టణ ప్రాంతాల్లో కరెంట్ వీక్లీ స్టేటస్ (సీడబ్ల్యూఎస్)లో శ్రామిక శక్తి భాగస్వామ్య రేటు జనవరి–-మార్చి 2024లో 50.2 శాతానికి పెరిగింది, ఇది ఏడాది క్రితం ఇదే కాలంలో 48.5 శాతంగా ఉంది. ఇది ఏప్రిల్-–జూన్ 2023లో 48.8 శాతం, జూలై–-సెప్టెంబర్ 2023లో 49.3 శాతం 2023 అక్టోబర్-–డిసెంబర్లో 49.2 శాతం ఉంది.
