- రెస్టారెంట్ అసోసియేషన్
న్యూఢిల్లీ: డెలివరీ కంపెనీలు జొమాటో, స్విగ్గీలకు పోటీగా ఓ యాప్‌ను తీసుకురావాలని నేషనల్ రెస్టారెంట్స్ అసోసియేషన్ ఆఫ్ ఇండియా (ఎన్ఆర్ఏఐ) చూస్తోంది. డీప్డిస్కౌంటింగ్, డేటా మాస్కింగ్తోపాటు, ప్లాట్ఫామ్ న్యూట్రాలిటీ విషయంలోనూ జొమాటో,స్విగ్గీలతో రెస్టారెంట్లు ఇబ్బందులు ఎదుర్కొంటున్నాయని ఎన్ఆర్ఏఐ వెల్లడించింది. ఆగస్టు, సెప్టెంబర్ నాటికి తమ యాప్ తేవాలనుకుంటున్నట్లు ఎన్ఆర్ఏఐ ప్రెసిడెంట్ అనురాగ్ కత్రియార్ ప్రకటించారు. దేశంలోని 5 లక్షల రెస్టారెంట్లకు ఈ అసోసియేషన్లో మెంబర్షిప్ ఉంది. టెక్నాలజీ పార్ట్నర్తో చురుగ్గా డిస్కషన్స్ జరుగుతున్నాయని, ఆ కంపెనీకే బ్యాక్ ఎండ్ మేనేజ్మెంట్ బాధ్యతలు అప్పచెప్పనున్నామని కత్రియార్ పేర్కొన్నారు. యాప్ సొంతదారు ఎన్ఆర్ఏఐనే అవుతుందని, బయటి పార్ట్నర్ నిర్వహిస్తారని చెప్పారు. దేశంలోని మెంబర్లందరి కోసం సింగిల్ లాయల్టీ ప్రోగ్రామ్ తేవాలనుకుంటున్నట్లు పేర్కొన్నారు. జొమాటో గోల్డ్ వంటి లాయల్టీ యాప్స్కు చేసినట్లు తమ లాయల్టీ యాప్కు ఎలాంటి చెల్లింపులనూ కన్జూమర్లు చేయక్కర్లేదని వెల్లడించారు. అంతేకాదని, తమకు నచ్చిన రెస్టారెంట్లలో లాయల్టీ పాయింట్లను వాడుకోవచ్చని తెలిపారు. తమ లాభాలు తగ్గడంతో రెస్టారెంట్లు మూతపడుతుంటే, ఈ కంపెనీల వాల్యుయేషన్స్ పెరుగుతున్నాయన్నారు.
