హైదరాబాద్, వెలుగు: ఈ-–కామర్స్ కంపెనీ అమెజాన్ ఇండియాలో తన నెట్‌‌‌‌‌‌‌‌వర్క్‌‌‌‌‌‌‌‌ను విస్తరించింది. డెలివరీ సామర్థ్యాలను పెంచడానికి 12 కొత్త ఫుల్‌‌‌‌‌‌‌‌ఫిల్‌‌‌‌‌‌‌‌మెంట్ సెంటర్లను, ఆరు కొత్త సార్ట్ సెంటర్లను ప్రారంభించింది. ఈ విస్తరణతో నిల్వ సామర్థ్యం 8.6 మిలియన్ క్యూబిక్ అడుగులు అదనంగా పెరిగింది. కొత్తగా ఏర్పాటు చేసిన ఫుల్‌‌‌‌‌‌‌‌ఫిల్‌‌‌‌‌‌‌‌మెంట్ సెంటర్‌‌‌‌‌‌‌‌లు హుగ్లీ, తిరువళ్లూరు, కృష్ణగిరి, విశాఖపట్నం, హుబ్బళ్లిలో ఉన్నాయి. హుబ్లి, త్రివేండ్రం, రాజ్‌‌‌‌‌‌‌‌పురా, గోరఖ్పూర్, మొరాదాబాద్, ప్రయాగ్‌‌‌‌‌‌‌‌రాజ్‌‌‌‌‌‌‌‌లో ఆరు కొత్త సార్ట్ సెంటర్లను కూడా ప్రారంభించింది. వీటి మొత్తం విస్తీర్ణం 5 లక్షల చదరపు అడుగులు.
లోకల్ డిలైట్స్ స్టోర్ ప్రారంభం
పండుగ సీజన్‌‌‌‌‌‌‌‌ను పురస్కరించుకుని అమెజాన్ ఫ్రెష్ 'లోకల్ డిలైట్స్ స్టోర్'ను ప్రారంభించింది. ఈ స్టోర్ ద్వారా ప్రాంతీయ ఆహార పదార్థాలను ఆర్డర్ చేసిన రెండు గంటల్లో ఇంటికి తెప్పించుకోవచ్చు. ఈ స్టోర్‌‌‌‌‌‌‌‌లో ఫిల్టర్ కాఫీ, మురుక్కు, మామిడి ఆవకాయ, మక్కీ అట్టా (జొన్న పిండి) వంటి అనేక రకాల ప్రాంతీయ వంటకాలు, పండుగ స్పెషల్స్ లభిస్తాయి. 170కి పైగా నగరాల్లో కేవలం 2 గంటల్లో డెలివరీ చేస్తారు. అమెజాన్ పేతో చెల్లిస్తే అదనంగా డిస్కౌంట్ ఇస్తారు.
