ఫిబ్రవరి 7 నుంచి స్వదేశంలో జరగనున్న టీ20 వరల్డ్ కప్ కు టీమిండియా ఆల్ రౌండర్ వాషింగ్టన్ సుందర్ అందుబాటులో ఉండే అవకాశాలు కనిపించడం లేదు. న్యూజిలాండ్ తో జరిగిన తొలి వన్డేలో గాయపడిన సుందర్.. ఈ క్రమంలో వన్డే సిరీస్ కు దూరమయ్యాడు. ఆ తర్వాత గాయం తీవ్రమైనదని తేలడంతో ఈ స్పిన్ ఆల్ రౌండర్ న్యూజిలాండ్ తో జరగనున్న ఐదు మ్యాచ్ ల టీ20 సిరీస్ కు దూరమయ్యాడు. ఆ తర్వాత వరల్డ్ కప్ కు వారం రోజుల సమయం మాత్రమే ఉండడంతో సుందర్ ఈ మెగా టోర్నీ సమయానికి ఫిట్ గా ఉండడం అనుమానంగా మారింది.
సుందర్ వరల్డ్ కప్ సమయానికి కోలుకోకుంటే అతని స్థానంలో ఎవరు అనే ప్రశ్న ఇప్పుడు చర్చనీయాంశంగా మారుతోంది. స్పిన్ ఆల్ రౌండర్ కావడంతో సుందర్ ను రీప్లేస్ చేయడం కష్టంగా మారుతుంది. నితీష్ కుమార్ రెడ్డి ఫాస్ట్ బౌలింగ్ ఆల్ రౌండర్ కావడంతో ఈ హైదరాబాద్ ప్లేయర్ కు అవకాశాలు కష్టమే. సుందర్ ను రీప్లేస్ చేయడానికి ప్రస్తుతం ఇద్దరు మాత్రమే రేస్ లో ఉన్నారు. వారెవరో ఇప్పుడు చూద్దాం..
కృనాల్ పాండ్య:
సుందర్ స్థానంలో ఎంపికవ్వడానికి ప్రధానంగా రేస్ లో ఉంది కృనాల్ పాండ్య. సుందర్ లాగే స్పిన్ ఆల్ రౌండర్ కావడంతో ఈ బరోడా ఆల్ రౌండర్ ను ఎంపిక చేసే అవకాశాలు ఎక్కువగా కనిపిస్తున్నాయి. లోయర్ ఆర్డర్ లో పవర్ హిట్టింగ్ తో చేయడంతో పాటు బౌలింగ్ లో తన వైవిధ్యమైన స్పిన్ తో పాండ్య ఆకట్టుకుంటాడు. ఐపీఎల్ 2025 సీజన్ లో కృనాల్ అద్భుతంగా రాణించాడు. ఈ సీజన్ లో రాయల్ ఛాలెంజర్స్ బెంగళూరు తరపున ఆడి జాత్యు టైటిల్ గెలవడంతో కీలక పాత్రపోషించాడు. అంతేకాదు ఫైనల్లో ప్లేయర్ ఆఫ్ ది మ్యాచ్ గా నిలిచాడు. ప్రస్తుతం జరుగుతున్న విజయ్ హజారే ట్రోఫీలోనూ కృనాల్ బ్యాటింగ్, బౌలింగ్ లో రాణించాడు. కృనాల్ చివరిసారిగా 2021లో ఇండియా తరపున ఆడాడు.
రియాన్ పరాగ్:
అస్సాం క్రికెటర్ రియాన్ పరాగ్ సుందర్ స్థానంలో ఎంపికయ్యే అవకాశాలు కనిపిస్తున్నాయి. కానీ ప్రగ్యా ప్రస్తుతం పూర్తి ఫిట్ గా లేనట్టు సమాచారం. ఒకవేళ 100 శాతం ఈ యువ క్రికెటర్ ఫిట్ గా ఉంటే సెలట్ చేయొచ్చు. పూర్తి స్థాయి బ్యాటర్ గా రాణించడంతో బౌలింగ్ లో రెండు నుంచి మూడు ఓవర్లు బౌలింగ్ వేయగలడు. ఆరో బౌలర్ గా జట్టుకు ఉపయోగపడతాడు. 2024లో టీమిండియాలో అరంగేట్రం చేసిన పరాగ్.. ఇప్పటివరకు తొమ్మిది టీ20 మ్యాచ్ లు ఆడాడు. 2025 నుంచి అంతర్జాతీయ క్రికెట్ కు దూరంగా ఉన్నాడు. ఐపీఎల్ 2025 సీజన్ లో బాగా రాణించిన పరాగ్.. వరల్డ్ కప్ లో సుందర్ స్థానాన్ని భర్తీ చేసే ఛాన్స్ అతని ఫిట్ నెస్ పై ఆధారపడి ఉంటుంది.
