మరో నలుగురికి గాయాలు
గడిపెద్దాపూర్ శివారులో అదుపు తప్పిన కారు
అల్లాదుర్గం, వెలుగు: మెదక్ జిల్లా అల్లాదుర్గం మండలం గడిపెద్దాపూర్ శివారులోని నేషనల్ హైవే -161 పై బుధవారం తెల్లవారుజామున జరిగిన రోడ్డు ప్రమాదంలో దంపతులు చనిపోయారు. కామారెడ్డి జిల్లా పిట్లం మండలం బోలక్పల్లికి చెందిన భార్యాభర్తలు నారాయణ (60), దేవమణి (57) బుధవారం దసరా షాపింగ్ చేసుకొని హైదరాబాద్ నుంచి బోధన్ వెళ్తున్నారు. వారు ప్రయాణిస్తున్న కారు గడిపెద్దాపూర్శివారులో అదుపు తప్పి బోల్తా పడింది. దీంతో కారులోని దేవమణి అక్కడికక్కడే చనిపోగా, తీవ్రంగా గాయపడిన నారాయణను హాస్పిటల్కు తరలిస్తుండగాచనిపోయాడు. కారులో ఉన్న మరో నలుగురికి తీవ్ర గాయాలయ్యాయి. బాధితులను సంగారెడ్డిలోని ప్రైవేట్ దవాఖానకు తరలించి చికిత్స అందిస్తున్నారు. పోలీసులు కేసు దర్యాప్తు చేస్తున్నారు.
