- షాక్కు గురైన కస్టమర్
- అన్ని బాక్సులూ అంతే.. సిబ్బంది నిర్లక్ష్యపు సమాధానం
కూకట్పల్లి, వెలుగు: కూకట్పల్లిలోని కేపీఎన్సూపర్మార్కెట్లో కర్జూర పండ్లు కొన్న వినియోగదారుడు అవి కుళ్లిపోయి పురుగులు పట్టి ఉండటం చూసి షాక్కు గురయ్యాడు. నిజాంపేట రోడ్డులోని కేపీఎన్ఫ్రెష్సూపర్మార్కెట్లో ఓ వ్యక్తి మంగళవారం కర్జూర పండ్ల బాక్స్ కొన్నాడు. ఇంటికి వెళ్లి ఓపెన్చేసి చూడగా పండ్లు పూర్తిగా పురుగులు పట్టి ఉన్నాయి.
తిరిగి సూపర్ మార్కెట్కు వెళ్లి ప్రశ్నించగా, నిర్వాహకులు ‘మేం ఏమన్నా బాక్స్ ఓపెన్ చేసి చూస్తమా ఏంది? మాకెట్ల తెలుస్తది.. అందులో పురుగులున్నయో..ఏమున్నయో’ అని నిర్లక్ష్యంగా సమాధానం ఇచ్చారు. దీంతో అతడు మిగతా కర్జూర పండ్ల బాక్స్లను ఓపెన్ చేసి చూడగా అన్నీ కుళ్లిపోయి ఉన్నాయి. దీంతో అక్కడున్న కస్టమర్స్నిర్వాహకులను నిలదీశారు. ఆరోగ్య శాఖ అధికారులు సూపర్మార్కెట్ నిర్వాహకులపై తగిన చర్యలు తీసుకోవాలని వారు కోరుతున్నారు.
