ఏటూరునాగారం/ములుగు, వెలుగు: రాష్ట్ర ప్రభుత్వం దళితబంధు పేరుతో దగా చేస్తోందని బీఎస్పీ స్టేట్ కోఆర్డినేటర్ ఆర్.ఎస్.ప్రవీణ్ కుమార్ ఆరోపించారు. శుక్రవారం ఆయన మేడారంలోని వనత దేవతలను దర్శించుకుని మొక్కులు చెల్లించుకున్నారు. అనంతరం ఏటూరు నాగారంలో పర్యటించారు. ఎస్సీ కాలనీలో గవర్నమెంట్ నిర్మిస్తున్న డబుల్బెడ్రూం ఇండ్లను పరిశీలించారు. ఈ సందర్భంగా ప్రవీణ్మాట్లాడుతూ.. అధికార పార్టీ లీడర్ల అనుచరులకు దోచిపెట్టడం కోసమే దళితబంధు స్కీం తీసుకొచ్చారని ఆరోపించారు. మేడారం జాతరకు జాతీయ స్థాయి గుర్తింపు తీసుకురావడంలో టీఆర్ఎస్ప్రభుత్వం పూర్తిగా ఫెయిల్అయ్యిందని విమర్శించారు. ఐదేండ్లుగా డబుల్బెడ్రూం ఇండ్ల పనులు ఇంచు కూడా కదల్లేదన్నారు. ఆదివాసీలకు పోడు పట్టాలు ఇవ్వకుండా భూములు గుంజుకుంటున్నారని ఆగ్రహం వ్యక్తం చేశారు. ఏటూరునాగారంలో ఉన్న పేదరికం తాను ఎక్కడా చూడలేదని, ఎంతో చరిత్ర ఉన్న ప్రాంతాన్ని డెవలప్చేయకపోవడం బాధాకరం అన్నారు. ఆయనతో బీఎస్పీ లీడర్లు గంధం శివ, నరేశ్, కార్యకర్తలు ఉన్నారు.
