గద్వాల, వెలుగు: పార్లమెంట్ ఎన్నికలవేళ బీఆర్ఎస్ పార్టీ నాగర్ కర్నూల్ పార్లమెంటరీ అభ్యర్థి ఆర్ఎస్ ప్రవీణ్ కుమార్ తమ్ముడు ఆర్ఎస్ ప్రసన్నకుమార్ కాంగ్రెస్లో చేరారు. మంగళవారం హైదరాబాద్లో సీఎం రేవంత్ రెడ్డి సమక్షంలో ఆయన కాంగ్రెస్ కండువా కప్పుకున్నాడు. గత అసెంబ్లీ ఎన్నికల్లో బీఎస్పీ చీఫ్గా ఉన్న ఆర్ఎస్ ప్రవీణ్ కుమార్ అడుగుజాడల్లో నడిచేందుకు ఆయన తమ్ముడు, ఎన్ఎస్ అగ్రికల్చర్ కాలేజీ అసిస్టెంట్ ప్రొఫెసర్ గా ఉన్న ప్రసన్నకుమార్ తన పదవికి రాజీనామా చేశారు.
అసెంబ్లీ ఎన్నికల్లో ఆలంపూర్ బీఎస్పీ అభ్యర్థిగా పోటీ చేసి ఓడిపోయారు. తర్వాత ఆర్ఎస్ ప్రవీణ్ కుమార్ బీఎస్పీకి గుడ్ బై చెప్పడంతో ఇద్దరి మధ్య భేదాభిప్రాయాలు వచ్చినట్లు అప్పట్లో చర్చ జరిగింది. ఈ క్రమంలో మంగళవారం ఏఐసీసీ సెక్రెటరీ సంపత్ కుమార్ తో కలిసి వెళ్లిన ప్రసన్నకుమార్ కాంగ్రెస్లో చేరారు. అభ్యర్థి తమ్ముడే పార్టీ మారడం, అది కేటీఆర్ ప్రోగ్రాం అలంపూర్లో ఉన్న రోజే కావడం చర్చనీయాంశమైంది.
