మాస్కో: రష్యా, బ్రయాన్స్క్ సిటీలోని ఓ స్కూల్లో తోటి స్టూడెంట్ను ఓ బాలిక గన్తో కాల్చి చంపింది. తర్వాత తనను తాను కాల్చుకుని ఆత్మహత్యకు పాల్పడింది. ఈ ఘటనలో ఐదుగురికి గాయాలైనట్లు రష్యా ఇన్వెస్టిగేటివ్ కమిటీ తెలిపింది. 14 ఏండ్ల అమ్మాయి షాట్గన్తో స్కూల్కు వచ్చి, ఈ దారుణానికి పాల్పడిందని అధికారులు తెలిపారు.
క్లాస్మేట్పై ఎందుకు కాల్పులు జరిపిందో కారణం తెలియలేదన్నారు. గాయపడిన ఐదుగురు స్టూడెంట్స్ ను దగ్గర్లోని హాస్పిటల్కు తరలించి చికిత్స అందిస్తున్నామని చెప్పారు. కాల్పులు జరిపిన స్టూడెంట్ రైట్ షూలో పొడవాటి కత్తిని కూడా గుర్తించినట్లు తెలిపారు.
