హైదరాబాద్ పబ్లిక్ కు గుడ్ న్యూస్ చెప్పింది దక్షిణ మధ్య రైల్వే సంస్థ. గణేష్ నిమజ్జనం సందర్భంగా స్పెషల్ MMTS రైలీ నడపనున్నట్లు ప్రకటించింది. నిమజ్జనం సందర్భంగా ఏర్పడే రద్దీని దృష్టిలో ఉంచుకొని సెప్టెంబర్ 25 నుండి 27వ తేదీ వరకు ఈ స్పెషల్ సర్వీసులు నడపనున్నట్లు తెలిపింది.
సికింద్రాబాద్, హైదరాబాద్, లింగంపల్లి, ఫలక్ నుమాలను కలిపే కీలక మార్గాల్లో రాత్రి 11 గంటల నుండి ఉదయం 5 గంటల వరకు ఈ ప్రత్యేక సర్వీసులు నడుస్తాయని తెలిపారు అధికారులు. అర్థరాత్రి నిమజ్జన ఉత్సవాల సమయంలో ప్రయాణికుల రాకపోకలను సులభతరం చేయడానికి అదనపు సర్వీసులు నడపనున్నట్లు తెలిపారు రైల్వే అధికారులు.
ఈ సర్వీసులలో రాత్రి 11.50 గంటలకు సికింద్రాబాద్ నుండి హైదరాబాద్, 12.30 గంటలకు హైదరాబాద్ నుండి లింగంపల్లి, 1.50 గంటలకు లింగంపల్లి నుండి హైదరాబాద్ రైలు ఉన్నాయని... తెల్లవారుజామున 3.30 గంటలకు హైదరాబాద్-సికింద్రాబాద్ రైలు బయలుదేరుతుందని తెలిపారు.
హైదరాబాద్-లింగంపల్లి ప్రత్యేక రైలు రాత్రి 11.10 గంటలకు బయలుదేరుతుందని... ఆ తర్వాత లింగంపల్లి నుండి ఫలక్నుమాకు రాత్రి 12.10 గంటలకు, ఫలక్నుమా నుండి సికింద్రాబాద్ కు తెల్లవారుజామున 2.20 గంటలకు సర్వీసులు ఉంటాయని తెలిపారు అధికారులు. సికింద్రాబాద్ నుండి హైదరాబాద్ మధ్య మరో సర్వీసు తెల్లవారుజామున 4 గంటలకు బయలుదేరుతుందని తెలిపారు అధికారులు.
ఈ స్పెషల్ MMTS రైళ్లు ఆయా రూట్లలో అన్ని స్టేషన్లలో ఆగుతాయని, ప్రయాణికులు అన్ని సాధారణ స్టాప్ లలో ఎక్కడానికి, దిగడానికి వీలు కల్పిస్తాయని తెలిపారు రైల్వే అధికారులు.
