ఛత్తీస్ గఢ్ లో భారీ ఎన్ కౌంటర్ జరిగింది. డిస్ట్రిక్ట్ రిజర్వ్ గార్డ్ దళాల కూంబింగ్ టైంలో మావోయిస్టులు ఎదురుపడ్డారు. దీంతో ఎన్ కౌంటర్ జరిగింది. ఈ ఫైరింగ్ లో ఏడుగురు మావోయిస్టులు హతమైనట్లు ఛత్తీస్ గఢ్ డీజీపీ డీఎం అవస్థి తెలిపారు. రజ్ నందన్ గావ్ జిల్లా సితాగొటా అడవుల్లో ఈ ఎన్ కౌంటర్ జరిగింది. ఘటనా స్థలం నుంచి భారీగా ఆయుధాలను స్వాధీనం చేసుకున్నారు.
ప్రస్తుతం సెర్చ్ ఆపరేషన్ ఇంకా కొనసాగుతుందని చెప్పారు డీజీపీ. డిస్ట్రిక్ట్ రిజర్వ్ గార్డ్ దళాలు ఇటీవలి కాలంలో మావోయిస్టులపై పైచేయి సాధిస్తున్నాయి. ఈ డీఆర్ జీ దళంలో మహిళలు కూడా ఉన్నారు. మాజీ మహిళా మావోయిస్టులు కొందరిని ఈ దళంలో చేర్చుకుని ట్రైనింగ్ ఇచ్చారు.
