హైదరాబాద్, వెలుగు: గ్రేటర్పరిధిలోని పలు ప్రాంతాల్లో గురువారం సాయంత్రం ఈదురుగాలులతో కూడిన వర్షం కురిసింది. మధ్యాహ్నం 3 గంటల వరకు ఎండ దంచికొట్టగా, ఆ తర్వాత వాతావరణం మారిపోయింది. సాయంత్రం 5 గంటల తర్వాత కాప్రా, మల్కాజిగిరి, ఉప్పల్, సికింద్రాబాద్, ముషీరాబాద్, బోయిగూడ, పద్మారావునగర్, బన్సీలాల్ పేట తదితర ప్రాంతాల్లో వర్షం కురిసింది.
మిగిలిన ప్రాంతాల్లో ఈదురు గాలులు వీచాయి. అత్యధికంగా కుషాయిగూడలో 10.8 మి.మీ. వర్షం పాతం నమోదైంది. మల్కాజగిరి, సఫిల్గూడలో 5.3 మి.మీ., ఉప్పల్లో 5, మౌలాలిలో 4.5, మల్కాజిగిరి సర్కిల్ ప్రశాంత్నగర్, ఈస్ట్ ఆనంద్బాగ్లో 2.0 మి.మీ. వర్షపాతం నమోదైంది. శుక్రవారం పలు ప్రాంతాల్లో చిరుజల్లులు కురిసే అవకాశం ఉందని, వాతావరణం పాక్షికంగా మేఘావృతమై ఉంటుందని వాతావరణశాఖ అధికారులు తెలిపారు.
