జూబ్లీహిల్స్, వెలుగు : వెబ్సిరీస్లో చాన్స్ ఇప్పిస్తానని తీసుకెళ్లి ఓ యువతిపై లైంగికదాడికి పాల్పడిన నిందితుడిని పోలీసులు అరెస్ట్ చేశారు. మధురానగర్ఎస్సై బి.బాలరాజ్ తెలిపిన ప్రకారం.. ఏపీకి చెందిన కృష్ణారావు (46) సిటీకి వచ్చి మియాపూర్లో ఉంటూ.. కారు లోన్లు ఇప్పించే జాబ్ చేస్తుంటాడు.
అతడు మూసాపేటకు చెందిన కనకమహాలక్ష్మి అనే మహిళతో కలిసి ఉంటుండగా.. ఆమెకు ఒక కుమార్తె ఉంది. సినిమాలు, వెబ్సిరీస్లు చేయడమంటే ఆ యువతికి ఇష్టం. దీంతో ఆ యువతిని గురువారం రాత్రి అతడు బ్యూటీపార్లర్కు తీసుకెళ్లి ఫేషియల్ మేకప్ చేయించాడు.
దారిలో కేఎఫ్సీ రెస్టారెంట్కు తీసుకెళ్లి తినిపించాడు. ఆపై వెబ్ సిరీస్లో చాన్స్ వచ్చిందని, డైరెక్టర్ను కలుద్దామని ఆమెను నమ్మించి మధురానగర్లోని రూమ్కు తీసుకెళ్లాడు. రూమ్ లోకి వెళ్లాక యువతిపై అతడు లైంగికదాడికి పాల్పడ్డాడు. బాధితురాలి ఫిర్యాదు మేరకు నిందితుడిని అరెస్ట్ చేసి విచారిస్తున్నట్టు ఎస్సై బాల్రాజ్ తెలిపారు.
