రాహుల్ గాంధీ ఆఫీస్ పై ఎస్ఎఫ్ఐ దాడి

కేరళ రాష్ట్రం వాయనాడ్‌లోని రాహుల్‌ గాంధీ ఎంపీ కార్యాలయంపై ఎస్‌ఎఫ్‌ఐ నాయకులు దాడి చేశారు. జెండాలు, కర్రలతో రాహుల్ కార్యాలయంలోకి చొచ్చుకొని వచ్చిన ఎస్ఎఫ్ఐ నాయకులు... కార్యాలయంలోని ఫర్నిచర్ ను ధ్వంసం చేశారు.  ఈ దాడిపై కాంగ్రెస్ తీవ్రంగా స్పందించింది. ఆ పార్టీ జనరల్ సెక్రటరీ కేసీ వేణుగోపాల్ దాడిని ఖండించారు. ఈ సందర్భంగా ఆయన మాట్లాడుతూ... కేరళలో సీపీఎం పార్టీ ఆధ్వర్యంలో మాఫియా ప్రభుత్వం నడుస్తోందని మండిపడ్డారు. పోలీసుల సమక్షంలో దాడి జరగడం దారుణమన్నారు. ఈ దాడి వెనుక సీపీఎం అగ్రనేతలు ఉన్నట్లు ఆయన ఆరోపించారు. మోడీ దారిలోనే సీపీఎం నడుస్తోందన్న ఆయన... సీపీఎం అగ్రనేత సీతారాం ఏచూరి స్పందించాలని కోరారు.