డ్రగ్స్, గంజాయి నిర్మూలన కోసం పోలీసులు ఎన్ని చర్యలు తీసుకున్నప్పటికీ కొందరు గంజాయి సాగుదారులు కొత్త దారులు వెతుకుతున్నారు. కొందరు సీక్రెట్ గా సాగు చేస్తుంటే కొందరు ఏకంగా ఇంట్లోనే సాగు చేస్తున్నారు. సిరిసిల్లలో ఓ ప్రభుద్ధుడు ఇంటి వెనకాల పూల మొక్కల తరహాలో గంజాయి మొక్కలను పెంచేశాడు. మొక్కలు ఏపుగా పెరగడంతో ఆ వీధిలో అదోరకమైన వాసన గుప్పుమంది. దీంతో అనుమానం వచ్చిన స్థానికులు పోలీసులకు సమాచారం ఇచ్చారు. ఇక అంతే అయ్యగారి బండారం బయటపడింది.
ALSO READ : అక్కడ ఎలా పట్టాయిరా..ఇవి బంగారం గోలీలంట
రాజన్నసిరిసిల్ల జిల్లా తుంగళ్లపల్లి మండల కేంద్రం ఇందిరా నగర్ కాలనీలోమహమ్మద్ ఐదర్ అనే వ్యక్తిని అరెస్ట్ చేశారు పోలీసులు. అతడి నుంచి 34 గంజాయి మొక్కలను స్వాధీనం చేసుకున్నారు . మహమ్మద్ ఐదర్ ను అరెస్ట్ చేశారు. హైదర్ గంజాయి సాగు చేయడమే కాకుండా యువకులకు అమ్మేవాడని పోలీసులు తెలిపారు. ఒక్కొక్కటి ఆరు అడుగుల ఎత్తు, నార్కోటిక్ డ్రగ్స్, సైకోట్రోపిక్ పదార్ధాల చట్టం (NDPS) కింద నిందితులపై కేసు నమోదు చేశారు.
