గండిపేట,వెలుగు: డాక్టర్ల నిర్లక్ష్యం, గడువు ముగిసిన మందుల కారణంగా ఆరు నెలల పసి బాలుడు మృతి చెందాడని ఆరోపిస్తూ బాధితులు ఆందోళనకు దిగారు. బండ్లగూడ జాగీర్ప్రాంతానికి చెందిన విష్ణువర్ధన్ రెడ్డి తన ఆరు నెలల కుమారుడు అనారోగ్యానికి గురికావడంతో చికిత్స నిమిత్తం శనివారం స్థానిక క్రియాన్స్ హాస్పిటల్కు తీసుకెళ్లాడు. డాక్టర్లు ఇచ్చిన మందులు వాడిన కొద్దిసేపటికే బాలుడి పరిస్థితి విషమించి మృతి చెందాడు .
దీంతో గడువు ముగిసిన మందులు ఇవ్వడం వల్లే బాలుడు చనిపోయాడని ఆగ్రహించిన బంధువులు హాస్పిటల్పై దాడికి దిగారు. ఫర్నీచర్, కుర్చీలు, అద్దాలను ధ్వంసం చేయడంతో అక్కడ ఉద్రిక్తత నెలకొంది. సమాచారం అందుకున్న పోలీసులు వెంటనే అక్కడికి చేరుకుని పరిస్థితిని అదుపులోకి తెచ్చారు. శిశువు మృతదేహాన్ని పోస్టుమార్టం నిమిత్తం ఉస్మానియా ఆస్పత్రికి తరలించారు.
