పెనుబల్లి, వెలుగు: అమెరికాలో జరిగిన రోడ్డు ప్రమాదంలో వీఎం బంజర్కు చెందిన సాఫ్ట్వేర్ ఇంజినీర్ చనిపోయాడు. ఖమ్మం జిల్లా పెనుబల్లి మండలం వీఎం బంజర్ గ్రామానికి చెందిన కల్లూరు షుగర్ఫ్యాక్టరీ కేన్ డెవలప్మెంట్ చైర్మన్ ముక్కర భూపాలరెడ్డి కొడుకు సాయిరాజీవ్రెడ్డి(33) పదేండ్లుగా అమెరికాలోని టెక్సాస్ రాష్ట్రంలోని ఆస్ట్రీన్ ప్రాంతంలో సాఫ్ట్వేర్ ఇంజినీర్గా పని చేస్తున్నాడు.
అతను ఉండే ప్రాంతంలో కొత్తిల్లు కొన్నాడు. ఆదివారం రాత్రి పాత ఇంటి నుంచి కంటైనర్లో అతడి భార్య ఆశారెడ్డితో కలిసి సామగ్రి తరలిస్తుండగా రోడ్డు ప్రమాదం జరిగింది. ఈ యాక్సిడెంట్లో సాయి రాజీవ్రెడ్డి అక్కడికక్కడే చనిపోయాడు. ఆశారెడ్డి గాయపడగా హాస్పిటల్ కు తరలించారు. రెండు నెలల కింద రాజీవ్రెడ్డి తండ్రి భూపాలరెడ్డి అనారోగ్యంగా ఉండడంతో వీఎం బంజర్కు వచ్చిన సాయి రాజీవ్రెడ్డి చికిత్స చేయించి తిరిగి అమెరికాకు వెళ్లిపోయాడు. ఇంతలోనే కొడుకు మృతి చెందడంతో కుటుంబ సభ్యులు కన్నీరు మున్నీరుగా విలపిస్తున్నారు.
