ములుగు, వెలుగు: మావోయిస్టులు లొంగిపోయి కుటుంబాలతో ప్రశాంత జీవితం గడపాలని, అందుకు ప్రభుత్వం పునరావాసం కల్పిస్తుందని ములుగు జిల్లా ఎస్పీ పి.శబరీశ్ పిలుపునిచ్చారు. శనివారం జిల్లా పోలీసు కార్యాలయంలో మావోయిస్టు పార్టీ సభ్యులు ముగ్గురు లొంగిపోగా.. తక్షణ సాయంగా రూ.25వేల చొప్పున రివార్డు అందజేశారు. ఈ సందర్భంగా ఎస్పీ మాట్లాడుతూ.. మావోయిస్టులు ప్రజాస్వామ్యయుతంగా సమాజంలో అంతర్భాగం కావాలని, అందుకు రాష్ట్ర ప్రభుత్వం అత్యుత్తమ సరెండర్ పాలసీని అమలు చేస్తుందని పేర్కొన్నారు.
చత్తీస్గఢ్లోని బీజాపూర్జిల్లా కోమటిపల్లికి చెందిన ఏసీఎం సభ్యుడు మడవి మంగ్లీకి రూ.3.75లక్షలు, కౌర్గట్ట గ్రామానికి చెందిన మడకం కమలేశ్, బుస్సాపూర్కు చెందిన మడకం భీమేలకు రూ.75వేల చొప్పున వారి ఖాతాల్లో నగదు జమ చేయనున్నట్లు పేర్కొన్నారు. కార్యక్రమంలో ఇన్చార్జి ఓఎస్డీ, ములుగు డీఎస్పీ ఎన్.రవీందర్, ఆర్ఐ తిరుపతి, సిబ్బంది ఉన్నారు.
