కరీంనగర్ టౌన్,వెలుగు: సిటీలో రోడ్లవెంబడి ఫుట్‌‌పాత్‌‌లను ఆక్రమిస్తే కఠిన చర్యలు తీసుకుంటామని మున్సిపల్ కమిషనర్ ప్రఫుల్‌ దేశాయ్ హెచ్చరించారు. 100 రోజుల ప్రణాళికలో భాగంగా గురువారం సిటీలోని మెయిన్ రోడ్ల వెంబడి ఫుట్‌‌పాత్‌‌లను, జంక్షన్లను, డివిజన్లలోని శానిటేషన్‌ పనులను కమిషనర్ పరిశీలించారు. ఈ సందర్భంగా ఆయన మాట్లాడుతూ ప్రజల భాగస్వామ్యంతో సింగిల్ యూజ్డ్ ప్లాస్టిక్ ఫ్రీ సిటీగా కరీంనగర్‌‌‌‌ను మార్చుకుందామని పిలుపునిచ్చారు.
అనంతరం పలు షాపులను పరిశీలించి, సింగిల్ యూజ్డ్ ప్లాస్టిక్‌‌ను వాడొద్దని సూచించారు. డీఆర్ఎఫ్ టీం, శానిటేషన్‌ సిబ్బందితో కలిసి రోడ్లను ఆక్రమించి నిర్వహిస్తున్న షాపులను తొలగించారు. వివిధ కూడళ్లలోని హైలాండ్ జంక్షన్లను తనిఖీ చేశారు. ఆయన వెంట డిప్యూటీ కమిషనర్ వేణుమాధవ్, స్వామి పాల్గొన్నారు.
