గచ్చిబౌలి, వెలుగు: విద్యార్థులు పరిశోధకులుగా, ఉద్యోగాల సృష్టికర్తలుగా, పారిశ్రామికవేత్తలుగా ఎదగాలని గవర్నర్ శివ్ప్రతాప్ శుక్లా పిలుపునిచ్చారు. గచ్చిబౌలిలోని హైదరాబాద్ సెంట్రల్ యూనివర్సిటీ 26వ స్నాతకోత్సవం గురువారం అట్టహాసంగా జరిగింది. గచ్చిబౌలిలోని బ్రహ్మకుమారీస్ శాంతి సరోవర్లో నిర్వహించిన ఈ కార్యక్రమానికి డీఆర్డీవో మాజీ చైర్మన్ సమీర్ వి.కామత్తో కలిసి హాజరయ్యారు.
1,721 మందికి డిగ్రీ పట్టాలు, 300 మంది పిహెచ్డీ పట్టాలు, 178 మంది స్టూడెంట్స్కు మెడల్స్ అందజేశారు. ఈ సందర్భంగా గవర్నర్ మాట్లాడుతూ.. యువత కష్టపడి చదివి జీవితంలో ఉన్నత శిఖిరాలను అధిరోహించాలని ఆకాంక్షించారు. విద్యార్థులు తమ విజయాన్ని, జ్ఞానాన్ని సమాజ సేవకు ఉపయోగించాలని కోరారు. మాదరద్రవ్యాల బారిన పడి తమ జీవితాలను నాశనం చేసుకుంటున్నారని ఆవేదన వ్యక్తం చేశారు. హెచ్సీయూ చాన్స్లర్ ఎల్. నర్సింహారెడ్డి, వీసీఅనురాధ పాల్గొన్నారు.
