శ్రీకాకుళం జిల్లాలోని ప్రముఖ పుణ్యక్షేత్రం అరసవల్లి సూర్యనారాయణ స్వామి వారిని భానుడి కిరణాలు తాకాయి. పంచ ద్వారాలను దాటి గాలిగోపురం మధ్య నుంచి సూర్యకిరణాలు ఆదిత్యుని పాదాలను తాకిన అద్భుత ఘట్టం ఇవాళ(బుధవారం) ఆవిష్కృతమైంది. ఈ సమయంలో ప్రత్యక్ష భగవానుడి నామస్మరణ చేస్తూ భక్తులు పులకరించిపోయారు. తెల్లవారుజాము నుంచే ఈ అద్భుత దృశ్యాన్ని చూసేందుకు భక్తులు భారీగా తరలివచ్చారు. దాదాపు ఆరు నిమిషాలు పాటు భక్తులకు ఈ దర్శన భాగ్యం కలిగింది.
సూర్యనారాయణ స్వామి వారి పాదాలను తాకి శిరస్సు వెల్లే ఈ అద్భుత ఘట్టం ఏటా మార్చి 9,10 తేదీల్లో …అక్టోబర్ 1,2వ తేదీల్లో భక్తులకు కనువిందు చేస్తుంది.
