న్యూఢిల్లీ: కోల్ కతా ఆర్ జీ కర్ మెడికల్ కాలేజీ అండ్ హాస్పిటల్లో హత్యాచారానికి గురైన ట్రైనీ డాక్టర్ పేరు, ఫోటోలను వికిపిడియా నుంచి తొలగించాలని సుప్రీంకోర్టు సీజీఐ డివై చంద్రచూడ్ నేతృత్వంలోని ధర్మాసనం ఆదేశాలు జారీ చేసింది. ఈ మేరకు వికిపిడియా నుంచి వివరాలు తొలగించేలా చర్యలు తీసుకోవాలని సొలిసిటర్ జనరల్ తుషార్ మెహతాను న్యాయస్థానం సూచించింది. కేసుపై నేడు విచారణ చేస్తూ.. అత్యాచారం, హత్య కేసుల్లో బాధితుల వివరాలు వెల్లడించలేమని, వికిపిడియా తప్పనిసరిగా వాటిని తొలగించాలని భారత చట్టంలోని నిబంధనలు స్పష్టంగా ఉన్నాయని సీజేఐ అన్నారు. కాగా కేసు విచారణలో భాగంగా నేరానికి సంబంధించిన సీసీటీవీ ఫుటేజీ సహా, ఆధారాలన్నీ సీబీఐకి అప్పగించామని బెంగాల్ పోలీసులు తెలిపారు.
