వికారాబాద్, వెలుగు: విద్యార్థుల్లో సాంకేతిక స్ఫూర్తికి రోబోటిక్స్ శిక్షణ బీజం వేసిందని వికారాబాద్ కలెక్టర్ ప్రతీక్ జైన్ అన్నారు. సోహం అకాడమీ ఆఫ్ హ్యూమన్ ఎక్సలెన్స్ ఆధ్వర్యంలో రోబోటిక్స్ ఇన్ అకాడెమిక్స్ కార్యక్రమాన్ని జిల్లా వ్యాప్తంగా నిర్వహించారు.
ఈ నేపథ్యంలో శుక్రవారం వికారాబాద్ సంగం లక్ష్మీబాయి (గర్ల్స్) స్కూల్ను ఆయన విజిట్ చేశారు. రోబోటిక్స్ శిక్షణ ప్రగతిని సమీక్షించారు. స్టూడెంట్స్ను పలు ప్రశ్నలు అడిగి వారి సామర్థ్యాన్ని పరిశీలించారు. ప్రతి పాఠశాలకు రోబోటిక్స్ కిట్లు అందిస్తామని హామీ ఇచ్చారు.
కలెక్టర్ జన్మదిన వేడుకలు..
కలెక్టర్ ప్రతీక్ జైన్ జన్మ దిన వేడుకలను శుక్రవారం కలెక్టరేట్లో ఘనంగా నిర్వహించారు. ఈ సందర్భంగా ఆయన కేక్ కట్ చేశారు. అడిషనల్ కలెక్టర్లు లింగ్యానాయక్, సుధీర్, డీఆర్వో మంగీలాల్, డీఆర్డీఏ శ్రీనివాస్, ఆర్డీవో వాసుచంద్ర విషెస్ చెప్పారు.
