హైదరాబాద్: తెలంగాణ ప్రభుత్వం మరో సంచలన నిర్ణయం తీసుకుంది. ఇప్పటి వరకు ప్రైవేట్ స్కూళ్లకే పరిమితమైన ప్రీ ప్రైమరీ తరగతులను సర్కారు బడుల్లో ప్రవేశపెట్టాని నిర్ణయించింది. ఈ మేరకు బుధవారం (జూన్ 11) ఉత్తర్వులు జారీ చేసింది. సమగ్ర శిక్షణలో భాగంగా రాష్ట్రంలోని 210 ప్రభుత్వ స్కూళ్లలో నర్సరీ, ఎల్కేజీ, యూకేజీ తరగతుల ప్రారంభానికి గ్రీన్ సిగ్నల్ ఇచ్చింది.
ఈ విద్యా సంవత్సరం నుంచే ప్రభుత్వ ప్రాథమిక పాఠశాలల్లో నర్సరీ, ఎల్కేజీ, యూకేజీ తరగతుల్లో విద్యార్థులను చేర్చుకోవాలని ప్రభుత్వం ఆదేశించింది. ఇప్పటి వరకు ప్రభుత్వ పాఠశాలల్లో నర్సరీ, ఎల్కేజీ, యూకేజీ వంటి ప్రీ ప్రైమరీ తరగతులు అందుబాటులో లేకపోవడంతో తల్లిదండ్రులు ఇంకో ఆప్షన్ లేక పిల్లలను ప్రైవేట్ పాఠశాలకు పంపుతున్నారు.
ALSO READ | అంగన్ వాడీ కేంద్రాలు ఓపెన్.. పిల్లలకు ఫస్ట్ డేనే ఎగ్ బిర్యానీ
ఇదే అదునుగా భావిస్తోన్న కొన్ని ప్రైవేట్ స్కూల్స్.. నర్సరీ, ఎల్కేజీ, యూకేజీ తరగతులకు కూడా ముక్కుపిండి వేలల్లో ఫీజులు వసూల్ చేస్తున్నాయి. ఈ ఫీజుల భారం భరించలేక చాలా మంది పేరెంట్స్ పిల్లలను ప్రీ ప్రైమరీ స్కూలింగ్కు దూరంగా ఉంచి.. నేరుగా ఒకటవ తరగతిలోనే జాయిన్ చేస్తున్నారు. ఇలాంటి వారందరికి ప్రభుత్వ తాజా భారీగా ఉపశమనంగా కల్పిస్తోంది. విద్యా శాఖ నిర్ణయంతో పేద, మధ్య తరగతి తల్లిదండ్రులకు ఫీజుల భారం తగ్గనుంది.
