హైదరాబాద్, వెలుగు: నిరుపేదలు, కార్మికుల సంక్షేమం కోసం జీవితాంతం పాటుపడిన గడ్డం వెంకటస్వామి (కాకా) జయంతి, వర్ధంతిని అధికారికంగా నిర్వహించాలని రాష్ట్ర ప్రభుత్వం నిర్ణయించింది. ఈ మేరకు సీఎస్ శాంతి కుమారి గురువారం ఉత్తర్వులు జారీ చేశారు.
అక్టోబర్ 5న కాకా జయంతి, డిసెంబర్ 22న వర్ధంతి కార్యక్రమాలను అధికారికంగా నిర్వహించాలని అన్ని జిల్లాల కలెక్టర్లను ఆదేశించారు. కాకా జయంతి, వర్ధంతి నిర్వహణకు ఏర్పాట్లు చూసుకోవాలని యూత్ అడ్వాన్స్మెంట్ అండ్ కల్చర్ డిపార్ట్మెంట్కు సూచించారు.
