భాగ్యనగరంలో మరోసారి భూములను వేలానికి పెట్టింది రాష్ట్ర సర్కార్. కోకాపేటలోని 45 ఎకరాలను అమ్మకానికి ఏర్పాట్లు చేసింది. దీనికి సంబంధించిన నోటిఫికేషన్ విడుదల చేసిన HMDA. నియోపోలిస్ ఫేస్-2 లో ప్లాట్ల వేలం వేయనుంది HMDA. మొత్తం 45.33 ఎకరాల్లో..... 3.60 ఎకరాల బిట్టు నుండి 9.71 ఎకరాల ప్లాట్ల వరకు ఉన్నాయి. ఈ నెల 20 న ప్రీ బీడ్ సమావేశం నిర్వహించనుంది.
ఈ నెల 31 వరకు రిజిస్ట్రేషన్ కు గడువు ఇచ్చింది. ఆగస్టు ఫస్ట్ నుంచి ఈఎండీ చెల్లింపుకు గడువుంది. వచ్చే నెల 3 న రెండు సెషన్ లుగా భూములు వేలం వేయనుంది HMDA. సర్కార్ ఎకరాకు 35 కోట్లుగా ధర నిర్ధారించింది. గతంలో కోకాపేటలో ఎకరానికి 60 కోట్లు కోడ్ చేసి కొనుగోలు చేశారు రియల్ వ్యాపారులు. ఈ సారి కూడా ఎకరా 60 కోట్లు దాటుతుందని అంచనా వేస్తున్నారు HMDA అధికారులు. ఈ 45.33 ఎకరాల భూమి అమ్మకంతో భారీగా ఆదాయం రానుంది.
