- మొత్తంగా 4 లక్షల మందికిపైగా స్టూడెంట్లు అటెండ్
హైదరాబాద్, వెలుగు: రాష్ట్రవ్యాప్తంగా ఇంటర్మీడియెట్ ప్రాక్టికల్ పరీక్షలు బుధవారంతో ముగిశాయి. ఈ నెల 2 నుంచి ప్రారంభం కాగా.. షెడ్యూల్ ప్రకారం 21 వరకు జరగాల్సిన ఉన్నా.. ఇంటర్ బోర్డు సమగ్రమైన ప్లాన్తో ముందస్తుగానే ముగిశాయి. కాగా, స్టేట్లో మొత్తం 4,01,265 మంది స్టూడెంట్లు ప్రాక్టికల్స్కు హాజరైనట్టు ఇంటర్ బోర్డు సెక్రటరీ కృష్ణ ఆదిత్య ప్రకటించారు.
జనరల్ కోర్సుల కోసం 1,440 సెంటర్లు ఏర్పాటు చేయగా.. వాటిలో 3,11,011 మంది.. ఒకేషనల్ లో 484 సెంటర్లలో 90,254 మంది హాజరయ్యారు. తొలిసారిగా ప్రాక్టికల్ పరీక్షల్లో అక్రమాలకు చెక్ పెట్టేందుకు ఇంటర్ బోర్డు చర్యలు చేపట్టింది. దీంట్లో భాగంగా ప్రభుత్వ, ప్రైవేట్, సెక్టార్ కాలేజీల్లో కలిపి 14 వేలకు పైగా సీసీ కెమెరాలను ఏర్పాటు చేసింది.
