సోలార్ ఎనర్జీ ఉత్పత్తిలో భారత్ లో తెలంగాణ రెండో స్థానంలో ఉందన్నారు ఐటీ శాఖ కేటీఆర్. రంగారెడ్డి జిల్లా మహేశ్వరం ఎలక్ట్రానిక్ సిటీలో ప్రీమియర్ ఎనర్జీస్ ఉత్పత్తి ప్లాంట్ ను మంత్రి సబితా ఇంద్రారెడ్డితో కలిసి ఆయన ప్రారంభించారు. యువతకు ఉపాధి కల్పన అనేది ప్రపంచంలోని అన్ని దేశాలు, రాష్ట్రాల ప్రభుత్వాలకు గుడిబండగా మారిందన్నారు కేటీఆర్. తెలంగాణకు 2 లక్షల 20 వేల కోట్ల పెట్టుబడుల్ని తెచుకున్నామని తెలిపారు. ఎన్ని ఆటంకాలు ఎదురైనా ప్రజల శ్రేయస్సు కోసం టీఆర్ఎస్ ప్రభుత్వం కృషి చేస్తూనే ఉంటుందన్నారు మంత్రి సబితా ఇంద్రారెడ్డి. మున్సిపల్, ఐటీ, పరిశ్రమల శాఖల అభివృద్ధికి మంత్రి కేటీఆర్ ఎంతో కృషి చేస్తున్నారని తెలిపారు.
