- పలుచోట్ల రాహుల్, ప్రియాంక, ఖర్గే ప్రచారం
- ఆరు రోజులపాటు రాష్ట్రంలోనే రాహుల్ గాంధీ
- చత్తీస్ గఢ్, రాజస్థాన్, కర్నాటక సీఎంల పర్యటనలు
- గెలుపే లక్ష్యంగా కాంగ్రెస్ పార్టీ కార్యాచరణ
హైదరాబాద్: తెలంగాణలో అధికారమే లక్ష్యంగా కాంగ్రెస్ అధినాయకత్వం రంగంలోకి దిగుతోంది. ఈ నెల 17వ తేదీ నుంచ లీడర్ల వరుస పర్యటనలు ఖరారవుతున్నాయి. ఏఐసీసీ అగ్రనేత రాహుల్ గాంధీ ఆరు రోజుల పాటు తెలంగాణలోనే ఉండి స్థానిక నేతలను దిశానిర్దేశం చేయనున్నారు. రాహుల్ గాంధీతోపాటు ప్రియాంక గాంధీ, ఏఐసీసీ అధ్యక్షుడు మల్లికార్జున ఖర్గే ఈ నెల 17 నుంచి రాష్ట్రంలో పర్యటించనున్నారు. ఈ నెల 17వ తేదీన పాలకుర్తి, వరంగల్, భువనగిరి సభల్లో రాహుల్ గాంధీ పాల్గంటారు.
ప్రతి శాసన సభ నియోజకవర్గంలో ఓ ముఖ్య నేత పర్యటించేలా రాష్ట్ర కాంగ్రెస్ నాయకత్వం యాక్షన్ ప్లాన్ రెడీ చేసింది. వీరితోపాటుచత్తీస్ గఢ్, రాజస్థాన్, కర్నాటక సీఎంలు కూడా తెలంగాణ ఎన్నికల ప్రచారంలో పాల్గొనబోతున్నారు. ప్రస్తుతం 14 జిల్లాల డీసీసీ అధ్యక్షులు అసెంబ్లీ అభ్యర్థులుగా బరిలో నిలుస్తున్నారు. జిల్లాను సమన్వయం చేసేందుకుగాను ఆ 14 జిల్లాలకు కొత్త డీసీసీ అధ్యక్షులను నియమించేందుకు పీసీసీ ఏర్పాట్లు చేస్తున్నది. దీనిపై త్వరలోనే ప్రకటన వెలువడే అవకాశం ఉంది.
ALSO READ :- బాల్క సుమన్ బెదిరింపులకు భయపడొద్దు: సరోజావివేక్
