- కార్పొరేటుకు దీటుగా వైద్య సేవలు అందిస్తున్నం
- హాస్పిటల్ సూపరింటెండెంట్ డా.నాగేందర్
హైదరాబాద్, వెలుగు: కార్పొరేట్ హాస్పిటల్స్ కు దీటుగా ఉస్మానియా ఆస్పత్రిలో సర్జరీలు చేస్తున్నామని సూపరింటెండెంట్ డా.నాగేందర్ చెప్పారు. ఓల్డ్ బిల్డింగ్ క్లోజ్చేయడంతో పూర్తి స్థాయిలో వైద్య సేవలు అందడం లేదని వస్తున్న ఆరోపణల్లో వాస్తవం లేదన్నారు. కొవిడ్ నేపథ్యంలో ఎమర్జెన్సీ ట్రీట్మెంట్, సర్జరీలు చేయట్లేదని వస్తున్న వదంతులను నమ్మొద్దని చెప్పారు. ఆయుష్మాన్ భారత్ స్కీం కింద తొలి సర్జరీ చేసిన సందర్భంగా శుక్రవారం ఆయన హాస్పిటల్లో మీడియాతో మాట్లాడారు. ఆయుష్మాన్ భారత్ అమలులోకి వచ్చాక ఫస్ట్సర్జరీ విజయవంతంగా పూర్తి చేశామని, అది కూడా ఇతర రాష్ట్రానికి చెందిన పేషెంట్కు అని తెలిపారు. మహారాష్ట్రలోని షోలాపూర్కి చెందిన భాగ్యశ్రీ(33)కి మెష్ రిపేర్ విత్ అనాలికోప్లాస్టీ సర్జరీ చేసినట్లు చెప్పారు. ఉస్మానియాలో సరపడా అనుభవజ్ఞులైన డాక్టర్లు, స్టాఫ్ ఉన్నారన్నారు. పేషెంట్లు వైద్య సేవల్ని వినియోగించుకోవాలని చెప్పారు. ఈ సందర్భంగా ఆర్థోపెడిక్ డిపార్ట్మెంట్ డాక్టర్లను, అనస్థీషియా డిపార్ట్మెంట్ హెచ్వోడీ డా.పాండునాయక్ను ప్రత్యేకంగా అభినందించారు. అడిషనల్ సూపరింటెండెంట్ డా.త్రివేణి, ఆర్ఎంవో డాక్టర్ రఫీ తదితరులు పాల్గొన్నారు.
